شباب كيف الحال انا راح اشرح لكم المشكلة في راس المكينة عندي في الكامري طبعا كل مدينة شغل اليد يختلف من مهندس الى مهندس انا راح اتكلم عن اعراض سيارتي سيارتي كامري موديل 99 كانت الحرارة ترتفع عندي كل يومين اعبي اللديتر مويه بعدين يومين وترتفع الحرارة وديتها البنشر وكشفت على السيارة تحت الحفرة فحصلت مافية تسريب مويه اذا استنتجت ان الديتر سليم بعدها شيكت على طبات الموية اللي في المكينة والقير حصلتها سليمة بعدها شيكت على المراوح وحصلتها سليمة شيكت علة طرمبة الموية وحصلتها سليمة اذا ايش بقي؟ مابقي الا راس المكينة وديتها عند المكانيكي وبرضه شيك عليها وقالي عندك الراس كذا اقتنعت وايقنت انه الراس بعدين اتفقت مع المكانيكي على شغل يدة وقالي ب 350 ريال طبعا ارخص ميكانيكي ولا نني زبون عندة فك راس المكينة وقالي اشتري راس جديد يكون افضل روحت الوكالة طبعا غالي السعر بعد الخصم 2900 ريال راس جديد بدون بلوفات وبدون اعمدة رجعت للميكانيكي وقلتله غالي وابي اوضب راس المكينه قال خلاص المهم قالي لازم تشتر ي قطع غيار اللي هي طقم وجية واربع علب زيت وفلتر زيت(سيفون) وخرطوش المهم كلفتني تقريبا القطع الغيار وكالة ب570 ريال المهم يوم جاء الشغل فاكتشف الميكانيكي ان راس عندي مايتوظب اول شي خلوني اقولكم ايش طلع عند ي الراس طلع فية صدى من الجوانب متاكل بس الميكانيكي قالي عادي راح ازبطه لك اللحمة وبعدين نمسحة عن طريق المخرطة ويكون مزبوط لكن ايش طلع المشكلة لما فك الميكانيكي البلوفات طلع في راس كسور صغيرة زي الظفر وقالي المكيكانيكي لازم تشتري راس ثاني طببعا راسي نظيف وكاله لم يتوظب من قبل ولكن زي مايقولون كل شي له عمر ومايدوم الا وجه الله المهم ياعربان قلت للميكانيكي الراس فية حكات اللي يقصد بها الكسور زي الظفر قلتله هذي بسيطة صلح الراس المهم رحت معة في جدال انتهى الجدال بشراء راس مكينه راح اتحدث عن شراء الراس طبعا رحت تشاليح مدينة جدة وحصلت راس مع المكينة وقلت لصاحب الراس ابي هذا الراس المهم اتفقنا على 450 ريال واشتريته واعطاني ظمان ثلاث ايام وقالي المخرطة هي اللي راح تقولك راس نظيف ولا لا المهم رحت للمخرطة وقالي المهندس لازم نفكه ونشوف اذا كان فية كسور طبعا ياغالين اول مافك الراس صاحب التشليح طلع الراس مبدئيا ماشاء الله عليه اول شي مافيه صدى وغير متاكل وثاني شي مافية اللحام وصنفر هذا يدل انه راس نظيف ومابعد فكة ميكانيكي وهذي علامات اذا جيت تشتري راس من التشليح تبي تعرف انه نظيف مثل ماقلت تشوف هل متاكل من الصدأ او علية اللحام على طول اذا شوفته فقل لصاحب التشليح هذا الراس مابيه وعطني واحد زين المهم وديته وبدى الراس ممتاز مبدئيا حتى المهندس اللي في المخرطة بس قالي لازم نفك البلوفات ونشوف اذا كان فيه كسور ولا لا فكه ماحصل كسور وقالي موفق في الاختيار المهم اتفقنا على شغل يد صاحب المخرطة قالي لازم انظف الراس وصنفرة وشغل يدي 350 ريال وتنظيف السلندر وصنفرته من باب الاحتياط 150 ريال صار الشغل 500 ريال المهم اتفقنا ونظف وصنفر الراس وطلع كنة جديد يلمع وسقطة في المكينة وقولوا ماشاء الله وانتهت المشكلة التكلفه الاجمالية 1670 ريال ارجو ان اكون موفق في الشرح وسامحونا على الاطالة وسلامتكم | |
    |
شارك هذه الصفحة :
|
0 التعليقات:
إرسال تعليق